close
Եղանակը Երևանում
25 Նոյեմբերի 2020
+16°
+27°Ցերեկ
+15°Գիշեր
weather
close
Փոխարժեք
25 Նմբ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ֆրանսայի Հայ Դատի Յանձնախումբը Կոչ Կ՛ընէ Լայն Զօրաշարժի՝ Ի Նպաստ Արցախի Հանրապետութեան Ճանաչման

Սփյուռքի ձայնը

20 Նոյեմբերի 2020, 17:11
 Ֆրանսայի Հայ Դատի Յանձնախումբը Կոչ Կ՛ընէ Լայն Զօրաշարժի՝ Ի Նպաստ Արցախի Հանրապետութեան Ճանաչման

Ֆրանսայի Հայ Դատի յանձնախումբը յայտնեց, թէ 9 Նոյեմբերի գիշերը ստորագրուած հրադադարը չի լուծեր Լեռնային Ղարաբաղի հայոց հարցը, ուրեմն պէտք է շարունակուի զօրաշարժը:

Յանձնախումբը հաղորդագրութեամբ մը իր անսահման երախտագիտութիւնը կը յայտնէ հայկական դիմադրականութեան բոլոր մարտիկներուն, որոնք՝ ուժերու աղաղակող անհաւասարութեան պայմաններուն մէջ, վճռակամօրէն դէմ դրին թշնամիին յարձակումներուն եւ պահպանեցին հայաբնակ հողերը: Նույն ժամանակ, յանձնախումբը կը դատապարտէ ոճրագործ կրաւորականութիւնը արեւմտեան գերտէրութիւններուն, որոնք թոյլ տուին, որ աատրպէյճա-թրքական դաշինքը պարտադրէ իր օրէնքը եւ Լեռնային Ղարաբաղի մէջ գործէ պատերազմական ոճիրներ, որոնք հաստատուեցան եւ ապացուցուեցան: Ըստ Ֆրանսայի Հայ դատի յանձնախումբին ատրպէյճանական բանակի շարքերուն մէջ ճիհատականներու ներկայութիւնը պէտք է ոչ միայն դատապարտութեան արժանանար, այլ նաեւ՝ պայքար մղուէր: Ակներեւ դարձաւ, որ բռնապետութիւնները աւելի հզօր են քան ժողովրդավարական վարչակարգերը, եւ հայ բնակչութիւնները լքուեցան իրենց ճակատագիրին, ինչպէս 1915ի Ցեղասպանութեան ընթացքին:

Ինչ կը վերաբերի հրադադարին՝ Ֆրանսայի Հայ Դատի յանձնախումբը կը հաստատէ, որ անիկա ընդունուեցաւ ռազմական սպառնալիքի պայմաններու տակ, ի հակադրումն Լեռնային Ղարաբաղի հարցի կարգաւորման՝ Մինսքի խումբի հիմնարար սկզբունքներուն, որոնք կը բացառեն բռնութիւնը: Այդ առումով՝ այս փաստաթուղթը հիմնական թերութիւն մը ունի:

Այս ամբողջին լոյսին տակ, Ֆրանսայի Հայ Դատի յանձնախումբը կոչ կ՛ընէ ժողովրդավար երկիրներուն, որոնք լքեցին հայկական բնակչութիւնները, իրենց մեղքը քաւելով՝ ճանչնալու Արցախի կառավարութեան օրինականութիւնը: Նախ եւ առաջ, անմիջապէս կը դիմէ Ֆրանսայի իշխանութիւններուն, որ ճանչնան Արցախի Հանրապետութիւնը, դիւանագիտական յարաբերութիւններ հաստատեն անոր իշխանութիւններուն հետ եւ ապահովեն Ստեփանակերտի մէջ հիւպատոսական ներկայութիւն: Յանձնախումբը կոչ կ՛ընէ նաեւ խորհրդարանական խմբակցութիւններուն՝ շուտով արձագանգելու երեսփոխաններ Կի Թեսիէի եւ Ֆրանսուա Փիւփոնիի՝ Արցախի Հանրապետութեան ճանաչման մասին բանաձեւին:

ՓԱՐԻԶ, «Նոր Յառաջ»

Համաներո՞ւմ
24 Նոյեմբերի 2020, 20:12 Համաներո՞ւմ
ՈՒՂԻՂ. ՔՊ-ն նիստ է հրավիրել
24 Նոյեմբերի 2020, 17:00 HES_VIDEOՈՒՂԻՂ. ՔՊ-ն նիստ է հրավիրել
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica