Երեւան (Երկիր) - Մարալիկում շուտով անօթեւան մարդկանց համար կստեղծվի սոցիալական թաղամաս։ ՀՀ կառավարությունն ասօր հավանություն է տվել անօթեւան, միայնակ տարեցների եւ բնակարանի կարիք ունեցող սոցիալական այլ խմբերին պատկանող անձանց համար սոցիալական բնակարանների համալիրի ստեղծման հայեցակարգին։
Աշխատանքի եւ սոցիալական հարցերի նախարարը պարտավորվել է քաղաքաշինության նախարարի հետ մեկամսյա ժամկետում մշակել եւ վարչապետի հաստատմանը ներկայացնել հայեցակարգի կիրարկումն ապահովող միջոցառումների ծրագիրն ու ժամանակացույցը:
Ինչպես նշել է վարչապետ Տիգրան Սարգսյանը, հայեցակարգը բավականին հաջողված փաստաթուղթ է, եւ այդ առթիվ ինքը հանձնարարել է պարգեւատրել աշխատանքի եւ սոցիալական հարցերի նախարարության այն աշխատակիցներին, ովքեր մասնակցել են դրա ստեղծմանը:
Վաղը Հայաստան կայցելի ԱՄՆ պետքարտուղար Հիլարի Քլինթոնը: ԱՄՆ այդչափ բարձրաստիճան պաշտոնյայի այցը Հայաստան, իհարկե, նշանակալից երեւույթ է. պաշտոնական Երեւանը նման այցերից երես չի առել: Կառավարող շրջանակներին մերձ փորձագետները այցը գնահատում են իբրեւ Հայաստանի նախաձեռնողական արտաքին քաղաքականության հերթական վկայություն, մատնանշում, որ այցի շրջանակներում Քլինթոնը Երեւանում կգտնվի հուլիսի 4-ին` ԱՄՆ ազգային տոնի օրը:...
